လူငယ်တွေမှာ အိပ်မက်တွေရှိကြတယ်

လူငယ်တွေမှာ အိပ်မက်တွေရှိကြတယ်..ရူးသွပ်မှုတွေရှိကြတယ်.. စိတ်ကူးသမျှကို ဖန်တီးချင်ကြတယ်…

ဘဝမှာ အသက်ရှင်တုန်း လူတော်လူကောင်းဖြစ်ရမယ်.. မရောက်ဘူးတဲ့ နေရာတွေသွားမယ်..ကိုယ်ဖြစ်ချင်တာတွေဖန်တီးမယ် အများအကျိုးပြုမယ်..”

ငယ်ရွယ်တဲ့အချိန်မှာ ”ဖြစ်ချင်တာနဲ့ ဖြစ်သင့်တာ balance ညီဖို့ အရမ်းအရေးကြီးပါတယ်”. . ဖြစ်ချင်တာတွေ အရမ်းဦးစားပေးရင် ဘဝပျက်တတ်ပါတယ်.. ဖြစ်သင့်တာလေးကိုတွဲလုပ်ရပါမယ်..ကိုယ်တိုင်လည်း ဘောင်ထဲမှာ နေခဲ့ပြီး ထူးချွန်ထက်မြတ်လာတာမဟုတ်ပါဘူး

ဆေးကျောင်းတတ်တယ်.. တစ်နှစ်တစ်တန်းမှန်အောင်ဖြေတယ်.. supplie လည်းမဖြေခဲ့ရဘူး… ဒါပေမယ့် ဖြစ်ချင်တာနဲ့ ဘယ်လိုတွဲလုပ်လဲဆို… ကျောင်းရဲ့ အနောက်ဘက်မှာ အဲဒီခေတ်က Acid studio ရှိတော့ တစ်ချို့အချိန်တွေ ကျောင်းလစ်ပြီး သီချင်းသွားသွားသွင်းတယ်… သူငယ်ချင်းတစ်ချို့ပဲသိတယ် အိမ်ကမသိဘူး.. ကျောင်းပွဲတွေမှာ သီချင်းဆိုတယ် ကတယ်.. .စာတွေနဲ့ပဲ ပိနေခဲ့တာမဟုတ်ပါဘူး..ဖြစ်ချင်တာလေးတွေရအောင်လုပ်လေ့ရှိတယ်…ဒါပေမယ့် တစ်ဖက်က လေ့လာခြင်းကိုမရပ်ခဲ့ဘူး.. ဆေးကျောင်းစာအပြင် အဂ်လိပ် 4 skills တက်တယ် တရုတ်စာသင်တယ်.(၄တန်းထိတက်ပါတယ်). . Golf ရိုက်တယ်.. ဆိုလိုချင်တာက ကိုယ်ဖြစ်ချင်တာတွေ ကိုယ်ဝါသနာပါတာတွေလုပ်နေပေမယ့် ကိုယ့်ဘဝတိုးတက်စေမယ့် အရာတွေလုပ်တာကိုတော့ ဘယ်တော့မှမရပ်ခဲ့ဘူး… profile ဖတ်လိုက်ရင် အချိန်ကိုဘယ်လိုသေချာသုံးခဲ့တာ မြင်တွေ့ရမှာပါ..”လူငယ်ပဲ အပျော်ရှိတာပေါ့ သူငယ်ချင်းတွေ နဲ့ လည်ရတာ သွားရတာ ကြိုက်တယ်… စာလည်းလုပ်တယ် ကျောင်းလည်းလစ်တယ်..”

အဓိက ဆိုလိုချင်တာက ဘဝက ဘောင်ထဲမှာ ချည်းနေရင်လည်း မွမ်းကျပ်တတ်တယ်.. တနေ့စာသင် တနေ့ကျောင်းတက်.. ကိုယ့်ဘဝကို ဘောင်သွပ်တာ အကန့်သတ်တွေလုပ်ရတာကို ဘယ်တုန်းကမှမပျော်ခဲ့ဘူး… အမြဲ ကိုယ်ဝါသနာပါတာနဲ့တွဲလုပ်လေ့ရှိပါတယ်..

မိဘအလုပ်လုပ်ရတော့လည်း မိဘအလုပ်က ဖြစ်သင့်တာ ဒါပေမယ့် ဖြစ်ချင်တာကို ဘယ်တုန်းကမှ လက်မလျှော့ခဲ့ဘူး..ကိုယ်ပိုင်ဆေးခန်းဖွင့်တယ် နောက် အရုပ်ရောင်းတယ်..ဖိနပ်ရောင်းတယ်..profile မှာ ဖော်ပြထားတာ အောင်မြင်မှုကြီးကြီးတွေပါ တချို့အောင်မြင်မှု သေးသေးလေးတွေမပါပါဘူး.. ဒီလိုနဲ့ပဲ ဘယ်တုန်းကမှ အချိန်မဖြုန်းခဲ့တာခုထိပါ.. တစ်ခုမဟုတ်တစ်ခုလုပ်နေခဲ့တယ်…

အဓိက Highligh လုပ်ချင်တာက အသက်ငယ်လေ အချိန်ပိုရှိပါတယ်…ယနေ့ခေတ်မြင်တွေ့နေရတာက …တစ်ချို့လူငယ်တွေက ဖြစ်ချင်တာကိုပဲ ဦးစားပေးတယ် အပျော်မက်တယ်.. တစ်ချို့လူငယ်တွေက ဖြစ်သင့်တာကိုပဲ ဦးစားပေးတယ်…ဘောင်ထဲမှာနေကြတယ်.. တကယ်တမ်းအောင်မြင်သွားကြတဲ့သူတွေက ၂ခုကို balance ညီအောင်လုပ်နိုင်တဲ့သူပဲ အောင်မြင်သွားတယ်…

လူငယ်သဘာဝ ပျော်ပါ…တစ်ချို့အရာတွေက ငယ်တုန်းပဲပျော်ခွင့်ရတာပါ.. ဒါပေမယ့် မိမိကိုယ်ကို အထိခိုက်မခံပါနဲ့…အပျော်ကနေ အပျက်မဖြစ်ပါစေနဲ့.. နောက် ကိုယ်ပျော်ရွှင်ဖို့ သူတစ်ပါးကို အသုံးမချပါနဲ့… အပျော်တွေပဲ အချိန်ပေးနေရင်လည်း ဘဝပျက်ရတယ် မတိုးတက်ဘူး..အရွယ်ရောက်လာတဲ့အခါ မိဘနဲ့ ကတောက်ကစ ဖြစ်တတ်တယ်.. မိဘဆိုတာ ကိုယ်ပျက်စီးမှာမလိုလားဘူး… ပျက်စီးတော့မယ့် အရိပ်ယောင်မြင်လာရင် စိတ်ပူတယ် ဆိုဆုံးမတတ်တယ်..ကိုယ့်အနေနဲ့ မိဘယုံကြည်အောင်နေဖို့လည်းလိုတယ်..ဘောင်တွေစည်းတွေဆိုတာ မွန်းကျပ်ပေမယ့် ရှိသင့်တဲ့​ဘောင်ကတော့ ရှိရမယ်… ‘တောင်းမှာအကွပ် လူမှာစည်းကမ်း’တဲ့..

ကျန်တဲ့အရာတွေကတော့ ကိုယ့်ဘဝကို ဖြစ်ချင်တာနဲ့ ဖြစ်သင့်တာ ညီမျှအောင်လုပ်ဆောင်ပါလို့ စေတနာပြုပါတယ်..မိမိဘဝတိုးတက်ရေးကို ဘာကြောင့်မှ ထိခိုက်မခံနဲ့… အဲဒါနံပါတ် ၁ပဲ.. ကိုယ်တိုးတက်အောင်မြင်လာမှ

၁.ကိုယ့်ကိုယ်ကို အကျိုးပြုနိုင်မယ်

၂. မိသားစုအကျိုးပြုနိုင်မယ်

၃. လူမျိုးရေး ဘာသာရေး တိုင်းပြည်အကျိုးပြုနိုင်မယ်””

“ခဏတာပျော်ရွှင်ဖို့နဲ့ တစ်ဘဝလုံး လူညံ့အဖြစ်မခံနဲ့..””

မေတ္တာဖြင့်

Dr.Kathryn